Me rastin e Dita e Tokës, nxënësit e Shkolla jopublike “Mehmet Akif” zhvilluan një vizitë edukative në Eco Kos, kompani e specializuar në grumbullimin dhe menaxhimin e vajit të përdorur ushqimor.
Gjatë kësaj vizite, nxënësit patën mundësinë të njihen nga afër me proceset konkrete të menaxhimit të mbeturinave dhe rëndësinë e tyre për mbrojtjen e mjedisit. Drejtoresha e kompanisë, Edona Demaj, prezantoi në mënyrë të detajuar sfidat dhe mundësitë që lidhen me trajtimin e qëndrueshëm të vajrave të përdorur, si dhe ndikimin e drejtpërdrejtë që ka ky proces në ruajtjen e tokës, ujit dhe shëndetit publik.
Në fokus të diskutimit ishin edhe tema me rëndësi të veçantë për brezat e rinj, si:
- roli i secilit individ në mbrojtjen e natyrës,
- rëndësia e ushqimit të shëndetshëm dhe pasojat e ushqimeve jo të shëndetshme,
- përdorimi i burimeve të ripërtëritshme të energjisë, veçanërisht energjisë solare,
- koncepti i ekonomisë qarkore dhe mënyra se si Eco Kos kontribuon në këtë cikël përmes riciklimit dhe ripërdorimit të burimeve.
Nxënësit shprehën interes të madh dhe u përfshinë aktivisht në diskutime, duke dëshmuar një nivel të lartë ndërgjegjësimi për çështjet mjedisore. Kjo vizitë shërbeu jo vetëm si një eksperiencë mësimore praktike, por edhe si një nxitje për të ndërtuar zakone të qëndrueshme dhe përgjegjësi qytetare që në moshë të re.
Eco Kos mbetet e përkushtuar në promovimin e praktikave të qëndrueshme dhe edukimin e komunitetit, duke kontribuar në mënyrë aktive për një mjedis më të pastër dhe një të ardhme më të gjelbër për të gjithë.
